कुशल कस्टुम डिजाइनरमा दिनेश शिवशंकर

काठमाडौं । प्रसिद्ध अमेरिकी लेखक, दार्शनिक, अभियन्ता तथा इतिहासविद् हेनरी डेभिड थोरोले भन्नुभएकोछ, ‘तपाईं आफू नराम्रो छु भन्ठान्नु पर्दैन, कसै न कसैका लागि धपक्क बलेको हुनुहुनेछ ।’ हुन पनि कोहीको नजरमा नराम्रो देखिएको त्यही व्यक्ति अरू कोहीको नजरमा भने सुन्दर/सुन्दरी हुन्छ । यस अर्थमा राम्रो र नराम्रोको कुनै मापदण्ड हुँदैन । तर, मानव स्वभाव न हो ऊ कहिल्यै पूर्ण सन्तुष्ट हुँदैन । फेरि आफू सुहाउँदो पहिरनमा चिटिक्क पर्ने, आकर्षक देखिने चाहना कुन मानिसमा नहोला र ? तर, सबैले चाहेर यस्तो रहर पूरा हुँदैन ।

कतिको शारीरिक बनावटले साथ दिँदैन त कतिपयको पहिरनले । यी सबै ठीक भए पनि संयोजनमा ध्यान दिइएन भने त्यो चाहिँ अपूर्ण नै हुन्छ । अझ मानव जीवनको अभिन्न अंगजस्तै बनेको कला-जगत् त यस मामिलाबाट अलग रहने प्रश्नै आउँदैन, पाइला-पाइलामा पहिरन–डिजाइन जोडिएको हुन्छ । त्यसैको परिणाम सोही क्षेत्र-विधाका दक्ष व्यक्तिको माग र इज्जतसमेत बढ्दो छ । ठीक यस्तै सोच राखेर उहाँ पेशागत रूपमा यसतर्फ समर्पित हुनुभएको हो । नेपालका नयाँ पुस्ताका लोकप्रिय अनि चर्चित कस्टुम डिजाइनर दिनेश शिवशंकर को प्रसंग हो यो ।

कस्टुम डिजाइन क्षेत्रप्रति पछिल्ला दिनमा आकर्षण बढ्दो छ । यद्यपि दक्ष डिजाइनर भने औंलामा गन्न सकिनेछन् । यही परिवेशमा दिनेशको कामप्रतिको दक्षताले राम्रो स्थान पाएको छ । विवाहदेखि, भोज, फोटोसुट, व्यक्तिचित्र, वृत्तचित्र, म्युजिक भिडियो, फेशन सो, साना-ठूला चलचित्रलगायत सबैमा आकर्षक अनि उत्कृष्ट बनाउन पोख्त कस्टुम डिजाइनरको अनिवार्यता रहन्छ ।

‘होला- सबैतिर मेरो टिप्पणीको तारिफ गर्दै सुझाब लागू हुन्थ्यो ।’ र त त्यतिबेलादेखि अहिलेसम्म उहाँको त्यो विशेषतामा कुनै क्रमभंगता आएको छैन, बरू समयानुकूल थप परिमार्जित छ । पहिलेदेखि नै कर्तव्यप्रति जागरुक दिनेशलाई त्यस्तै चार-पाँँच वर्षको उमेरमा घरनजिकैको श्री कालीदेवी माध्यमिक विद्यालयमा भर्ना गरियो । अध्ययनमा अब्बल उहाँले विसं २०६६ मा राम्रो अंक ल्याएर त्यहीँबाटै एसएलसी गर्नुभयो । त्यसपछि भने उच्च शिक्षा अध्ययनका लागि धुलिखेलस्थित संजीवनी कलेज भर्ना हुनुभयो र त्यहाँबाटै २०७० मा कक्षा १२ पूरा गर्नुभयो । त्यसपछि थप अध्ययनसँगै कुशल कस्टुम डिजाइनर बन्ने आफ्नो सानैदेखिको सपना साकार पार्ने बाटोमा औपचारिक रूपमै लाग्नुभयो । ‘हुन त म एसएलसी पास भएबाटै अग्रजहरूको संगतले अनौपचारिक तवरले यस क्षेत्रमा प्रवेश गरेर सिक्न थालेको हुँ । पछि यसैमा रस बस्दा भविष्य नै खोज्ने निधोमा पुगें’ दिनेश सन्तुष्टि व्यक्त गर्नुहुन्छ ।

हुन पनि कष्टुम डिजाइन क्षेत्रप्रति पछिल्ला दिनमा आकर्षण बढ्दो छ । यद्यपि दक्ष डिजाइनर भने औंलामा गन्न सकिनेछन् । यही परिवेशमा दिनेशको कामप्रतिको दक्षताले राम्रो स्थान पाएको छ । ‘विवाहदेखि, भोज, फोटोसुट, व्यक्तिचित्र, वृत्तचित्र, म्युजिक भिडियो, फेशन सो, साना-ठूला चलचित्र लगायत सवै आकर्षक अनि उत्कृष्ट बनाउन पोख्त कष्टुम डिजाइनरको अनिवार्यता रहन्छ । यही पक्षलाई मध्यनजर गरेर मैले यो पेशा अपनाएँ, अहिले बेग्लै पहिचान पनि बनेको छ’ उहाँ गौरव गर्नुहुन्छ, ‘सञ्चार, प्रविधि र मनोरञ्जनको माध्यमले साँघुरिँदै गएको दुनियाँमा कस्टुम डिजाइन कला आज चाहिने, भोलि नचाहिने भन्ने हुँदैन । मानसम्मान र पारिश्रमिक पनि राम्रो हुन्छ ।’

व्यावसायिक ढंगले कस्टुम डिजाइन पेशामा लागेको करिब एक दशकको यसअवधिमा दिनेशले झण्डै एक सय गीतमा आफ्नो क्षमता देखाइ सक्नुभएको छ-जसमा आधुनिक, लोकदोहोरी, छोटो चलचित्रमात्रै होइन, व्यक्तिचित्र, म्युजिक भिडियो आदि छन् । उहाँले कष्टुम डिजाइन गर्नुभएको ‘हेर्न जाऊ न फलिम..., मुटुको घाउ..., तिम्रो दिलमा फुल्नै सकिन..., बुलेट बुलेट ठिटी...,पिपलु छाँयामा..., कसले मर्म बुझ्छर पीर व्यथाको..., अन्त नजर लाउन छोड्ने छ..., कति डर दिने हौ भगवान्..., कलियुगको प्रेम...,भाइ टीकामा चेलीको आशिषले..., मायाबिनाको मान्छे...’, लगायत बोलका गीतले प्रख्याति कमाउनुभएको छ । मिहिनेत, लगनशील, समर्पण र निरन्तरताले नै सफलताको बाटो तय गर्ने धारणा राख्नुहुने शिवशंकर यो क्षेत्रमा आफ्नै राजमार्ग निर्माण गरेर निरन्तर यात्रा गरिरहनुभएको छ ।