काठमाडौं । नबिल बैंक र एनसेलबीच डिजिटल कारोबार सेवा प्रदान गर्न सम्झौता भएको छ । सम्झौतासँगै अब एनसेलका बिटुबी तथा बिटुसी ग्राहकले सिम र डाटा खरिद गर्दा भिसा र मास्टर कार्ड प्रयोग गरी नबिल बैंकको पेमेन्ट गेटवेमार्फत् रियल टाइम पेमेन्ट सुविधा पाउने भएका छन् ।
नबिल बैंकका एप प्रयोगकर्ताले पनि एन बैंक एपमार्फत् एनसेलका सेवा खरिद गर्न सक्नेछन् । नबिलका प्रमुख कार्यकारी अधिकृत ज्ञानेन्द्रप्रसाद ढुंगाना र एनसेलका प्रमुख कार्यकारी अधिकृत जाबर केयोमोवले सम्झौतापत्रमा हस्ताक्षर गर्नुभएको बैंकले जनाएको छ ।
नबिल बैंकका प्रमुख कार्यकारी अधिकृत ढुंगानाले सम्झौताले नेपालको डिजिटल यात्रामा महत्वपूर्ण योगदान पुग्नुका साथै ग्राहकले विशेष लाभ पाउने बताउनुभयो । एनसेलका प्रमुख कार्यकारी अधिकृत केयोमोवले नबिल र एनसेलको सुमधुर सम्बन्धको प्रशंसा गर्दै आगामी दिनमा यस सुविधा थप परिष्कृत गर्ने बताउनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच