नेदरल्याण्ड्स । नेदरल्याण्ड्समा जारी त्रिकोणात्मक टी-ट्वान्टी सिरिजमा घरेलु टोली क्यानडासँग पराजित भएको छ । सिरिजको चौथो खेलमा सोमबार नेदरल्याण्ड्समाथि क्यानडाले ८ रनको रोमाञ्चक जित हात पारेको हो ।
क्यानडाले दिएको १३३ रनको सामान्य लक्ष्य पछ्याएको नेदरल्याण्ड्सले निर्धारित २० ओभरमा ८ विकेट गुमाएर १२४ रनमात्रै बनाउन सक्यो । नेदरल्याण्ड्सका लागि नोह क्रोसले २८ बलमा सर्वाधिक ३२ रन बनाउनुभयो । राइन क्लेन र विक्रमजित सिंहले समान २२ तथा माइकल लेभिटले १३ रन जोड्नुभयो ।
क्यानडाका लागि कलिम साना र प्रविन कुमारले समान दुई तथा डिलोन हेलिंगर र साद विन जाफरले समान एक विकेट लिनुभयो । त्यसअघि टस हारेर ब्याटिङको निम्तो पाएको क्यानडाले २० ओभरमा ९ विकेट गुमाएर १३२ रनको सामान्य योगफल बनाएको थियो ।
क्यानडाका लागि श्रेयस मोभ्भा र साद विन जाफरले समान ३३ रन बनाउनुभयो । कप्तान निकोलस किर्तनले १३, डिलोन हेलिंगरले १२ तथा हर्ष टाकरले १० रन बनाउनुभयो । नेदरल्याण्ड्सका लागि काइल क्लेन र पल भान मेकरेनले समान तीन, ड्यानियल डोरमले २ तथा विक्रमजित सिंहले एक विकेट लिनुभयो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच