छोरी जन्मने दिन
आमालाई बेजोड कौतुहल थियो
सन्तान जन्माउन होइन
छोरा हेर्नलाई
आमाले जन्म दिइन् र हेरिन्
तिमी छोरा थिएनौँ, छोरी थियौ ।
समय चक्रसँगै
तिमी जन्मियौ
हुर्कियौ र बढ्यौ
तिमी असरल्ल भएको साँझ
बिल्कुल तिमीलाई होइन
उसलाई आफैं सम्हालिने
नितान्त हतारो थियो ।
साँच्चै साँझ परेर तिमी
पराइको घर पुग्दा
पराइलाई सुहागरातको
नसा चढेको थियो
तिमी बेहुली भएर भिँत्रदै गर्दा
उसलाई आफ्नै अपराधहरु
ढाकछोप गर्न
नितान्त अर्को हतारो थियो ।
बिचरी !
तिमीलाई के थाहा ?
पुरुष एकाङ्की हुन्छ भनेर ।
एउटा शिशु जन्मन्छ
त्यो प्राकृतिक नियम हो
प्रक्रियामा औस फरक छैन
तर, तिमी घर सम्हाल्न तयारिँदै गर्दा
पुरुष बेसुरा बनिरहेको हुन्छ ।
एउटा नारी घरमा जन्मन्छे
त्यो माइत हुन्छ
पराइ घर जान्छे
आफ्नो घर हुन्छ
गुलाम गर्न सके प्रिय हुन्छे
प्रतिवाद गरे अलच्छिनी ।
यति मात्र होर !
उसका उपमै उपमा हुन्छन्
व्यक्त गर्न नै संकोच लाग्ने
कहिले उ उखरमाउली हुन्छे
कहिले उ नखर्माउली हुन्छे
कहिले उ नक्कली
हुँदाहुँदा उ कहिले पात्तर्नी
कहिले पातकी त
कहिले उ वेश्या हुन्छे।
दिक्कार छ पुरुष
तिम्रो पुरुषोत्वले
एउटा छोरीलाई
सबै बनायो
तिमी बाउ बन्यौं
हजुरबाउ बन्यौं
अपशोच !
छोरी कहिल्यै छोरी भइन।
( धुलाबारी, झापा )
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच