लण्डन । इंग्लिस प्रिमियर लिग फुटबलमा चेल्सीको पाँच खेलको जितविहीन यात्रा अन्त्य भएको छ । सोमबार राती वुल्भ्सलाई ३-१ ले पराजित गर्दै चेल्सीले जितविहीन यात्रा अन्त्य गरेको हो ।
खेलको २४औँ मिनेटमा तोसिन अडाराबियोयोले गोल गर्दै घरेलु टोलीलाई अग्रता दिलाउनुभएको थियो । वुल्भ्स पहिलो हाफको अधिकांश समय दबाबमा रहेको थियो । तर, स्टपेज टाइममा चेल्सीका गोलकिपर रोबर्ट सान्चेजको गल्तीको फाइदा उठाउँदै म्याट डोहर्टी बराबरी गोल गर्न सफल हुनुभयो ।
कर्नर किकको क्रममा सान्चेजले बल खसाल्दा म्याटले नजिकबाट बललाई जाली चुमाउनुभएको थियो । तर, ६०औँ मिनेटमा मार्क कुकरेल्लाले दायाँतर्फबाट आएको क्रसलाई चेस्टिङ गर्दै चेल्सीलाई २-१ को अग्रता दिलाउनुभयो । पाँच मिनेटपछि ट्रेभो चलोबाको हेडरलाई नोनी मडुकेले फिनिसिङ गरेपछि चेल्सीले जित सुनिश्चित गरेको हो ।
जितसँगै चेल्सी न्युकासल र म्यानचेस्टर सिटीलाई उछिन्दै चौथो स्थानमा उक्लिएको छ । २२ खेलबाट चेल्सीले ४० अंक पु¥याएको छ । समान खेल खेलेका न्युकासल र म्यानचेस्टर सिटी चेल्सीभन्दा दुई अंकले पछि छन् । वुल्भ्स रेलिगेसन जोनभन्दा एकमाथि १७औँ स्थानमा छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच