![निजामती सेवा ऐन चाँडै संसद्बाट पारित गर्ने प्रधानमन्त्रीको प्रतिबद्धता](https://ehimalayatimes.com/wp-content/uploads/2024/09/Prime-Ministers-commitment-to-get-the-Civil-Service-Act-passed-by-Parliament-soon-Hita-fornt-page.jpg)
काठमाडौं । विश्वभर फैलिएका भोजपुरी भाषी दर्शकलाई युट्युबका माध्यामद्वारा आफ्नै मातृभाषामा गीत, सङ्गीत र टेलिशृङ्खला प्रस्तुत गर्ने एउटा जमर्को गरिएको छ ।
मुखिया इन्टरटेन्मेन्ट एण्ड मिडिया प्रालिले भोजपुरी भाषामा ‘खेलाडी’ नामक हास्य टेलिशृङ्खला निर्माण गरी यही फागुन १३ गतेदेखि युट्युबबाट विश्वभर पु¥याउने तयारी गरेको हो । हास्यव्यङ्ग्यका माध्यमबाट समाजमा देखिएका विकृति र विसङ्गति अन्त्य गर्ने मुख्य उद्देश्यले भोजपुरी भाषाको पहिलो टेलिशृङ्खला निर्माण भएको लेखक तथा निर्देशक सैलेसमानसिंह बस्नेतले बताउनुभयो ।
चाँदनी देवीले निर्माण गर्नुभएको टेलिशृङ्खलामा भोजपुरी भाषामा कलम चलाउँदै आउनुभएकी सञ्चारकर्मी प्रियङ्का पाण्डे, वीरेन्द्र मुखिया, स्वनीका बास्तोला, सरु बराल, अर्काना खातुनलगायत कलाकारको अभिनय रहनेछ ।
टेलिशृङ्खलाबारे जानकारी दिन आयोजित पत्रकार सम्मेलनमा कलाकार पाण्डेले विश्वका जुनसुकै कुनामा बसेका भए पनि भोजपुरी भाषीले खुसी हुँदा, दुःखी हुँदा, रिस उठेर कसैलाई गाली गर्नुपरेमा आफ्नै मातृभाषा प्रयोग गर्ने गरेको घटना सुनाउनुभयो । नेपालको सर्लाही, रौतहट, बारा र पर्सासहित विश्वका धेरै मुलुकमा बोलिँदै आएको भोजपुरीलाई शिष्ट भाषाका रुपमा लिने गरिएको उहाँले बताउनुभयो ।
तराईका मुख्य थलोमा पुगेर छायाङ्कन गरिने शृङ्खलामा कथा र घटनाका आधारमा विषयवस्तु परिवर्तन गरिँदै लगिने निर्देशक बस्नेतले बताउनुभयो । चाँदनीदेवीले दर्शकलाई मनोरञ्जन प्रदान गर्नुका साथै भोजपुरी भाषा, कलासंस्कृति, रहनसहन, वेषभूषाको संरक्षण र प्रवद्र्धन गर्नु रहेको जानकारी दिनुभयो ।
टेलिशृङ्खलाले समाजमा परम्परादेखि रहँदै आएका कुरीति अन्त्य गर्दै परिवर्तनको बाटोमा अघि बढ्न प्रेरित गर्ने बताइएको छ । टेलिशृङ्खलामा समावेश कलाकार सबै भोजपुरी भाषी हुनुहुन्छ ।
प्रत्येक आइतवार युट्युबबाट प्रसारण हुने टेलिशृङ्खलामा समाजमा रहेका सासूबुहारीको झगडा, गरीब र धनीबीचको विभेद, फजुल खर्चलगायत विकृति अन्त्य गर्न केही हदसम्म सफल हुने लगानीकर्ता देवीले विश्वास व्यक्त गर्नुभयो ।
टेलिशृङ्खलामा सासूको भूमिका केही कडा र निर्दयी जस्तो देखिए पनि परिवारमा गहिरो माया प्रेमभाव प्रकट गरेको निचोड रहेको छ ।
रासस
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच