![निर्मलाको न्यायका लागि निरन्तर संघर्ष](https://ehimalayatimes.com/wp-content/uploads/2024/09/Victims-and-rights-activists-demanding-justice-for-Nirmala-Kurmi-Hita-fornt-page.jpg)
राजविराज । राष्ट्रपति रामचन्द्र पौडेलले कोशी कमला डाइभर्सन छिटो भन्दा छिटो सञ्चालन गर्न नेपाल सरकारसँग आग्रह गर्नु भएको छ ।
सप्तरीको छिन्नमस्ता मन्दिरमा पूजापाठ गरेपछि आयोजित स्वागत तथा सम्मान कार्यक्रमलाई सम्बोधन गर्दै राष्ट्रपति पौडेलले सप्तरी ऐतिहासिक जिल्ला भएपनि विकासमा पछि परेको बताउनु भयो ।
सप्तरीको विकासका लागि आफू यहाँका जनताको साथमा रहेको बताउँदै कृषि क्रान्ति गर्न सक्ने सप्तरी लगायतका जिल्लाहरू सुख्खा र खडेरीको समस्याबाट गुज्रिरहेको अवस्थामा कोशी–कमला डाइभर्सन सञ्चालन भए सुख्खाले समस्या समाधान हुने विश्वास व्यक्त गर्नु भयो ।
मधेशको पुरानो र ऐतिहासिक प्रजातान्त्रिक र जन अधिकारका लागि सप्तरीले विगतमा पनि ठूलो योगदान पर्यायको स्मरणका साथ उहाँले विकासमा चाहिँ यो जिल्ला पछाडि परेको भन्दै यहाँको विकासका लागि सरकार समक्ष कुरा राख्ने बताउनु भयो । उहाँले भारतीय स्वतन्त्रता आन्दोलनमा सप्तरीकै हनुमाननगर जेलमा बन्दी बनाइएका भारतीय समाजवादी नेता डा. राम मनोहर लौहिया, जय प्रकाश नारायणलाई सप्तरीकै क्रान्तिकारी युवाहरूले जेल मुक्त गराएको स्मरण सुनाउनु भयो ।
नेपाल र भारतका लाखौं भक्तजनले श्रद्धा सम्मान र सुरक्षाको अनुभूति गर्ने स्थल छिन्नमस्ता भगवती मन्दिर रहेको बताउँदै राष्ट्रपति पौडेलले राष्ट्रपतिको हैसियतमा आफू पहिलो पटक छिन्नमस्ता भगवतीको दर्शन गर्न पाउँदा खुशी भएको बताउनु भयो ।
सो अवसरमा छिन्नमस्ता गाउँपालिकाका अध्यक्ष विद्यानन्द चौधरी र उपाध्यक्ष राजदेवी यादवले अभिनन्दन पत्र, दोसल्ला र मिथिलाको पाग लगाएर सम्मान गर्नुभएको थियो ।
हेलिकप्टरबाट पत्नीसहित छिन्नमस्ता आउनु भएका राष्ट्रपति पौडेललाई प्रतिनिधिसभा सदस्यद्वय दिनेश कुमार यादव र तेजुलाल चौधरी, प्रदेश सभा सदस्य निलम रजक, छिन्नमस्ता गाउँपालिका अध्यक्ष विद्यानन्द चौधरी, प्रमुख जिल्ला अधिकारी किरण थापा सप्तरीका पालिका प्रमुखहरूले स्वागत गर्नु भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच