काठमाडौं । पछिल्ला छ दिनमा ३२२.९९ अंकले बढेको सेयर बजार बुधबार भने २७.३२ अंकले घटेको छ । सुरुमा २६ सय अंकसम्म पुगेको नेप्से पछि घटेर २५३६.११ अंकमा झरेको छ भने १६ अर्ब २० करोड ८५ लाख ७७ हजार तीन सय १४ रुपैयाँको कारोबार भएको छ । तीन सय ११ कम्पनीका चार करोड सात लाख ४७ हजार दुई सय २६ कित्ता सेयर एक लाख ८८ हजार आठ सय ६५ पटक खरिदबिक्री भएका थिए । नेप्से घटेपछि कारोबार रकम भने अघिल्लो दिनको तुलनामा दुई अर्ब नौ करोड २२ लाख रुपैयाँले बढेको हो । कारोबारमा आएका १३ समूहगत परिसूचकमध्ये ११ समूहको परिसूचक घटेको छ भने दुईवटाको मात्रै बढेको छ । फाइनान्स सर्वाधिक १.१६, होटल तथा पर्यटनमूलक ०.१३ प्रतिशत बढेको छ भने व्यापार सर्वाधिक ३.०९ प्रतिशतले घटेको छ । बैंकिङ, जलविद्युत्, उत्पादन तथा प्रशोधन, लघुवित्त र अन्य समूह पनि एक प्रतिशतभन्दा बढीले घटेकोे छ ।
कारोबारका आधारमा शीर्ष स्थानमा रहेको हिमालयन रि इन्स्योरेन्सकोे ३६ करोड सात लाख ४६ हजार रुपैयाँ बराबरका पाँच लाख ४१ हजार एक सय ३४ कित्ता सेयर खरिदबिक्री भएका छन् भने दोस्रो ठूलो कारोबार भएको शिवम् सिमेन्ट्सको ३४ करोड २२ लाख १७ हजार, अपर तामाकोशी २९ करोड ४७ लाख ३३ हजार, हिमालय दोलखा हाइड्रोपावर २३ करोड १३ लाख, सानिमा जिआइसी इन्स्योरेन्सको २२ करोड ७८ लाख रुपैयाँको कारोबार भएको छ ।
यस दिन तीन कम्पनीको सेयर मूल्यमा सकारात्मक सर्किट लागेको छ । बोटलर्स नेपाल तराई, एसियन हाइड्रोपावर र चन्द्रागिरि हिल्सको सेयर मूल्यमा सकारात्मक सर्किट लागेको हो । समृद्धि फाइनान्स ९.६५ र आरम्भ चौतारी लघुवित्तको सेयर मूल्य ९.१७ प्रतिशतले मूल्य बढेको छ भने साहस ऊर्जा ८.४६, मितेरी डेभलपमेन्ट बैंक ७.६६, गुराँस लघुवित्त ६.७५, सुपर माई हाइड्रोपावर ६.६५ र हाथवे इन्भेष्टमेन्टको ६.१६ प्रतिशतले मूल्य बढेको छ । तर, चिरख्वा हाइड्रोपावरको सेयर मूल्य सबैभन्दा धेरै ७.७९ प्रतिशतले घटेको छ भने सुपर मादी हाइड्रोपावर ६.०८, थ्रीस्टार हाइड्रोपावर ५.९१, मुक्तिनाथ कृषि कम्पनी ५.७२ र सिटिजन सुपर ३० म्युचुअल फण्डको ५.७१ प्रतिशतले घटेको छ । कारोबार संख्या र कारोबार कित्ताका आधारमा अपर तामाकोशीको सबैभन्दा धेरै १३ लाख ७६ हजार नौ सय ९४ कित्ता सेयर कारोबार भएको नेपाल स्टक एक्सचेन्ज(नेप्से)ले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच