पेरिस । चेक रिपब्लिककी मार्केटा भोन्ड्रोसोभा हातको चोटका कारण पेरिस ओलम्पिकबाट बाहिरिनुभएको छ । साबिक विजेता भोन्ड्रोसोभा स्पेनकी जेसिका बोजस मनिरोसँग पराजित हुँदै विम्बल्डन टेनिस प्रतियोगिताको पहिलो चरणबाटै बाहिरिनुभएको हो ।
भोन्ड्रोसोभाले टोकियो ओलम्पिकमा रजत पदक जित्नुभएको थियो । उहाँले पेरिस ओलम्पिक नखेल्ने र युएस ओपनको तयारीमा ध्यान केन्द्रित गर्ने बताउनुभयो । ‘चोटका कारण पेरिस ओलम्पिक खेल्न नपाउँदा म निकै निराश छु,’ भोन्ड्रोसोभाले भन्नुभयो, ‘डबल्स स्पर्धामा खेल्न सक्छु कि भन्ने आश थियो । तर, हातको समस्या ठीक नभएकाले कोर्टमा उत्रिन सम्भव छैन । म युएस ओपनका लागि तयारी गर्नेछु ।’
उहाँ पेरिस ओलम्पिकमा १२औँ वरीयता प्राप्त खेलाडी हुनुहुन्थ्यो । भोन्ड्रोसोभाको स्थानमा एकलतर्फ क्याटरिना सिनियाकोभा र युगलतर्फ लिन्डा नोस्कोभाले मौका पाएका छन् । यसैगरी पुरुषतर्फ सातौँ वरीयताका पोलिस खेलाडी हुबर्ट हुर्काकजले पनि पेरिस ओलम्पिक गुमाउनुहुने भएको छ । विम्बल्डनका क्रममा हुर्काकजको घुँडामा चोट लागेको थियो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच