काठमाडौं । नेपाल मुक्तक प्रतिष्ठान, काठमाडौंको हालै बसेको कार्यसमितिको बैठकले दुई पुरस्कारको निर्णय गरेको छ । प्रतिष्ठानले दार्जिलिङ निवासी साहित्यकार नन्द हाङ्मिलाई भीमदर्शन मुक्तक पुरस्कार र नेपालगञ्ज निवासी साहित्यकार खगेन्द्र गिरी कोपिलालाई कृष्ण-रत्न-चेतन मुक्तक पुरस्कार समर्पण गर्ने निर्णय गरेको हो । पुरस्कारको राशि क्रमशः एकाउन्न हजार र एकतीस हजार रुपैयाँ रुपैयाँछ ।
विसं २००० कात्तिक २६ गते जन्मिनुभएएका नन्द हाङ्मिको सन् १९७२ मै ‘प्रेमालाप’ शीर्षकको मुक्तकसंग्र्रहका साथै विभिन्न विधाका डेढ दर्जन कृति प्रकाशित छन् । भारतमा रहेर पनि नेपाली भाषासाहित्यको उन्नयनमा नन्द हाङ्मिले विशिष्ट योगदान गर्नुभएको छ ।
यसैगरी विसं.२०२० फागुन २८ गते जन्मनुभएका खगेन्द्र गिरी कोपिलाका ‘उस्तै उस्तै नदीका उस्तै उस्तै छालहरू’ (२०५९), ‘डुबे पनि डुब्दैन घाम’ (२०६२), आफ्नै छाल आफ्नै किनारा’ (२०६५), ‘कालध्वनि’ (२०८०) मुक्तककृतिलगायत डेढ दर्जनकृति प्रकाशित छन् । दुवै स्रष्टाले मुक्तकको उन्नयनमा गर्नुभएको योगदानका आधारमा पुरस्कृत गर्ने निर्णय गरेको प्रतिष्ठानले जनाएको छ ।
नेपाली आधुनिक मुक्तकका प्रथम प्रयोक्ता भीमदर्शन रोका एवं नेपाली मुक्तकका विशिष्ट साधकत्रय कृष्णप्रसाद पराजुली, रत्नशमशेर थापा र चेतन कार्कीका नाउँमा नेपाल मुक्तक प्रतिष्ठानका अध्यक्ष मुक्तककार रामकाजी कोनेद्वारा स्थापित यी दुवै पुरस्कारहरू प्रतिष्ठानको बाह्रौँ वार्षिकोत्सव तथा मुक्तक दिवसका अवसरमा यही माघ १८ गते शुक्रबार एक समारोहको आयोजनागरी समर्पण गरिने जनाइएको छ ।
यसका साथै सोही कार्यक्रममा नेपाल मुक्तक प्रतिष्ठान र नेपाल स्रष्टा समाजको संयुक्त प्रकाशन रहेको नेपाली साहित्यमा कलम चलाउने अन्य विधाका स्रष्टासमेतका मुक्तकहरूको सञ्चयन कृति ‘मुक्तक मुहिम’ को लोकार्पण गरिनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच