काठमाडौं । नेपाल उद्योग वाणिज्य महासंघको अध्यक्ष प्रत्यक्ष निर्वाचनबाट चयन हुने भएको छ । हाल वरिष्ठ उपाध्यक्ष स्वतः अध्यक्ष हुने व्यवस्था रहेकोमा महासंघले विधान संशोधन गर्दै उक्त व्यवस्था हटाएको हो ।
महासंघका अध्यक्ष चन्द्रप्रसाद ढकालले महासंघको विधान मंगलबारको कार्यसमिति बैठकले सर्वसम्मतिले पारित गरेको जानकारी गराउँदै अबदेखि महासंघको अध्यक्ष निर्वाचनबाट चयन हुने बताउनुभयो । यसअघि पनि सोहीअनुसार विधान संशोधनका लागि विभिन्न कार्यदल एवं समिति गठन गरी काम गरिएको भए पनि सहमति हुन नसकेकाले वरिष्ठ उपाध्यक्षबाटै पछि अध्यक्ष हुने गरी निर्वाचन गर्ने गरिएको उहाँको भनाइ थियो । अध्यक्ष प्रत्यक्ष निर्वाचित हुँदा संस्थालाई राम्रो हुने ठानेर आफूले गत निर्वाचनकै बेला विधान संशोधनको वाचा गरेको र अहिले उक्त प्रस्ताव कार्यसमितिले सर्वसम्मत पारित गरेको भन्दै ढकालले कार्यसमितिलाई धन्यवादसमेत दिनुभएको छ । तर, संशोधित विधानको व्यवस्था हालका वरिष्ठ उपाध्यक्षपछिको कार्यकालपछिमात्रै लागू हुनेछ । अर्थात् अहिले वरिष्ठ उपाध्यक्ष अञ्जन श्रेष्ठलाई संशोधित व्यवस्थाले अध्यक्ष हुन रोक्नेछैन ।
संशोधित नयाँ विधानमा वरिष्ठ उपाध्यक्ष दुईजनाको व्यवस्था गरिएको छ भने हाल एक महिला उपाध्यक्ष रहेकामा थप एकजना महिला उपाध्यक्षको पनि व्यवस्था गरिएको छ । उक्त विधान आगामी मंसिर मसान्तभित्र महासंघको विशेष साधारणसभाले पारित गर्ने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच