विराटनगर । चलचित्र ‘बलिदान’ छायांकनको अन्तिम चरणमा प्रवेश गरेको छ । दशैँ, तिहार र छठजस्ता प्रमुख चाडपर्वहरू सम्पन्न भएसँगै ‘बलिदान’ छायांकनको अन्तिम चरणमा प्रवेश गरेको हो । शुक्रबारदेखि मोरङको कानेपोखरीमा निर्माण गरिएको भव्य सेटमा बाँकी छायांकन सुरु गरिएको छ । चाडपर्वका कारण रोकिएको छायांकन सुरु गरिएको हो ।
गत भदौमा छायांकन सुरु भएको यस चलचित्रको अन्तिम तालिका करिब ४५ दिनको रहेको निर्देशक सन्तोष सेनले जानकारी दिनुभयो । छायांकनका लागि कलाकारहरू समीर भट्ट, सौगात मल्ल, अर्पण थापा, दिव्यदेव र ऋचा शर्मालगायतका प्रमुख कलाकार मोरङ पुग्नुभएको छ ।
चलचित्रको रिलिज मितिबारे निर्देशक सेनले छायांकन पूरा भएको भोलिपल्ट टिजरसहित घोषणा गर्ने बताउनुभयो । ‘रिलिज मिति तय भइसकेको छ तर यसको औपचारिक घोषणा टिजरबाट हुनेछ,’ उहाँले भन्नुभयो ।
एक्सन प्रधान रहेको ‘बलिदान’ मा दक्षिण भारतका चर्चित एक्सन निर्देशक स्टन्डर सामको नेतृत्वमा करिब ३० जनाको टोलीले अत्याधुनिक प्रविधिको प्रयोग गर्दै एक्सन दृश्य तयार गरिरहेको छ । सामले ‘हाथी मेरे साथी’ र चियान विक्रम अभिनित ‘थंगलम’ जस्ता चर्चित चलचित्रहरूमा काम गरिसक्नुभएको छ ।
‘बलिदान’को अन्तिम छायांकन तालिकामा छायांकार महेश पौडेलले जिम्मेवारी सम्हाल्नुभएको छ । यसअघि सञ्जय लामाले छायांकन गर्नुभएको थियो तर उहाँ अर्को चलचित्रको छायांकनमा व्यस्त हुने भएपछि पौडेलले यो जिम्मेवारी लिनुभएको हो । पौडेलले यसअघि चलचित्र ‘१२ गाउँ’ छायांकन गर्नुभएको थियो ।
यो चलचित्रको कथावस्तु नेपालको सार्वभौम भूमिमा भइरहेको शोषण, अन्याय र समाजका तथाकथित नाइकेहरूका विरुद्धको संघर्षमा आधारित रहेको बताइएको छ । आसुसेन फिल्मस् प्रालिको प्रस्तुति रहेको यस चलचित्रमा पवन ब्राडफोर्ड विष्ट निर्माता र प्रेम पुरी सह-निर्माताको भूमिकामा हुनुहुन्छ । ‘बलिदान’ नेपाली समाजको यथार्थ चित्रणसँगै भव्य दृश्य र प्रविधिमाथिको उच्च प्रयोगले सिनेप्रेमीहरूलाई आकर्षित गर्ने अपेक्षा गरिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच