काठमाडौं । यही फागुन २९ गतेदेखि सिनेमाघरमा आउने तयारीमा रहेको चलचित्र ‘अञ्जिला’को ट्रेलर सार्वजनिक गरिएको छ । काठमाडौंमा शुक्रबार एक विशेष कार्यक्रमबीच सार्वजनिक गरिएको ट्रेलरमा महिला राष्ट्रिय फुटबल टिमकी कप्तान तथा नम्बर एक गोलरक्षक एञ्जिला तुम्बापो सुब्बाको फुटबलप्रतिको चाहना, क्षमता र घरभित्रबाट बाहिर निस्कन गरेको संघर्षदेखि कप्तान बन्दासम्मको कथा पस्किएको छ ।
ट्रेलर सार्वजनिक समारोहमा एञ्जिलासँगै अभिनेता दयाहाङ राई, कलाकार सुमिन गुरुङ, निर्माता तथा कलाकार प्रेमकुमार श्रेष्ठ, निर्देशक मिलन चाम्सलगायतको उपस्थिति थियो । एञ्जिला नै यस चलचित्रकी प्रमुख कलाकार हुनुहुन्छ । निर्देशक चाम्सले यो चलचित्रमा अधिकांश राष्ट्रिय खेलाडीहरूले अभिनय गरेको सुनाउनुभयो । चाम्सले गैरकलाकारलाई अभिनय गराउनु अत्यन्त कठिन रहेको जनाउँदै अभिनेता दयाहाङ राईलाई दुई वर्ष पर्खेर अभिनय गराएको जानकारी गराउनुभयो । चाम्सले चलचित्र हेर्न आउनुअघि दर्शकले धेरै कुरा जानेर आउनुपर्छ भन्ने लागेर ट्रेलरमा केही कुराहरू खुलासा गरिएको जनाउनुभयो ।
चलचित्रका निर्माता तथा कलाकार प्रेमकुमार श्रेष्ठले यो चलचित्रमा कथा फुटबलभन्दा पनि अञ्जिलाको कथा मुख्य रहेको बताउनुभयो ।
अभिनेता दयाहाङ राईले आफू हरेक नेपाली खेलको प्रशंसक र दर्शक रहेको बताउँदै महिला फुटबल टोलीको ठूलो फ्यान रहेको बताउनुभयो । उहाँले भन्नुभयो, ‘कप्तानको फिल्म बन्दैछ भनेपछि भूमिका के हो समेत थाहा नपाई काम गर्न सहमत भएँ । यसका लागि म जिन्दगीभर ऋणी हुनेछु ।’
कार्यक्रममा एञ्जिलाले आफूले बिर्सन नहुने धेरै नामहरू रहेको र त्यसमा निर्देशक मिलन चाम्स थपिएको बताउनुभयो । ‘म मिलन दाइलाई पनि जिन्दगीभर भुल्दिनँ । पहिले म डराउँथेँ तर आजकल आफ्नै दाइ हो जस्तो लाग्छ । मेरो कथा उहाँहरूकै जिम्मामा छोडेर जाँदैछु । हृदयदेखि नै आभारी छु । मैले सोचेको पनि थिइनँ कि मैले दयाहाङ राईसँग फिल्म खेल्छु भनेर । उहाँ जस्तोसुकै अवस्थामा पनि खेलमा समर्पित हुनुहुन्थ्यो,’ उहाँले भन्नुभयो । उहाँले आफू काठमाडौं आएदेखि गड फादर बनेर बाटो देखाउने प्रेमकुमार श्रेष्ठलाई धन्यवाद दिँदै भन्नुभयो, ‘म आज जुन बाटोमा छु उहाँले गर्दा नै छु । मेरो मात्र नभएर अन्य खेलाडीहरूको फिल्म पनि बन्नुपर्छ भन्ने बाटो खुलेको छ ।’
एञ्जिलाले आफू १३ वर्ष हुँदा पनि ६० किलोको चामलको भारी बोक्ने गरेको सुनाउँदै छायांकनमा खासै अप्ठ्यारो नलागेको सुनाउनुभयो ।
चलचित्रमा सुनिल थापा, विजय बराल, सिर्जना सुब्बा, माओत्से गुरुङ, बुद्धि तामाङलगायतका कलाकारको पनि अभिनय छ । चलचित्रको छायांकन एञ्जिलाको जन्मथलो इलामको आइतबारे, झापा र काठमाडौंमा गरिएको छ । सुदीप बरालको छायांकन रहेको चलचित्रमा मिलन श्रेष्ठको सम्पादन छ । मुन लभ इन्टरटेनमेन्टको ब्यानरमा निर्मित यस चलचित्रका निर्माता प्रेमकुमार श्रेष्ठ हुनुहुन्छ भने टुबेन्द्र लिम्बू, विनोद अग्रवाल र राजेश बगडिया सह–निर्माता रहनुभएको छ । विनोद सुवेदी खत्रीले निर्माण नियन्त्रकको भूमिका निर्वाह गर्नुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच